26/11/2017 - Guiando na International Week 2017 do Campus Terra USC

 

Onte sábado foi un día moi especial para Galicia Infinita. Xunto con tres profesores do Campus Terra USC (Ana Cabana, Elena Freire e Juan Ortiz) guiamos na ruta de clausura da International Week 2017.

 

 

Foi esta unha semana moi especial! De luns a xoves visitamos, en distintas facultades, os variados estands dos estudantes internacionais. E onte fómonos todos xuntos de ruta! Concretamente por Lugo, A Fervenza (O Corgo) e Castro de Viladonga.

 

 

O equipo de guías foi de auténtico luxo: Ana Cabana (profesora de Historia Agraria), Elena Freire (profesora de Antropoloxía Social), Juan Ortiz (profesor de Enxeñería Agroforestal) e Guido Álvarez (o noso guía e axente de viaxes en Galicia Infinita).

 

 

Pola mañá visitamos varias zonas da contorna lucense (río Rato, A Tolda e centro de interpretación Terras do Miño), e a Casa Grande da Fervenza. Foi a ocasión de aprender unha chea de cousas cos profesores da USC!

 

 

Pola tarde foi a quenda de Guido, que aproveitou a visita ó castro de Viladonga para explicarlles aos estudantes un pouco da historia de Galicia e por suposto especialmente do mundo castrexo.

 

 

Sen dúbida foi unha xornada para o recordo! Xa agardamos con ansias a International Week 2018!